Mēdus Dāvum vocat: 'Dāve!'

'Dāve' vocātīvus est

Vocātīvus: -e (nōminātīvus: -us)

Dominus: "Vocā Dāvum!" Servus Dāvum vocat

Dominus: ""Tacē et audī!" Servus tacet et audit

Dominus: "Discēde, serve" Servus discēdit

Dominus imperat. Servus paret

'Vocā' imperātīvus est; 'vocat' indicātīvus est. 'Tacē, audī, discēde' est imperātīvus. 'Tacet, audit, discēdit' indicātīvus est.

Imperātīvus: -ā, -ē, -e, -ī

Indicātīvus: -at, -et, -it, -it

Exempla: Mēde, domine, serve, improbe

Servus: "Salvē, domine!"

Iūlius Mēdum vocat: "Mēde! Venī, improbe serve!"

Exempla:

[1] salūtā -- salūtat; [2] respondē -- respondet; [3] sūme -- sūmit; [4] venī -- venit

Mēdus: " Salūtā dominum!" Dāvus dominum salūtat

Iūlius: "Respondē, serve!" Servus respondet

Iūlius imperat: "Sūme sacculum tuum et discēde!" Dāvus sacculum suum sūmit et discēdit

Iūlius: "Mēde! Venī!" Mēdus nōn venit

Iūlius imperat. Dāvus pāret; Mēdus nōn pāret